24. کتاب ذبیحوں کے بیان میں
ذبیحہ پر بسم اللہ کہنے کا بیان
عروہ بن زبیر سے روایت ہے کہ رسول اللہ ﷺ سے سوال ہوا کہ بدو لوگ گوشے لے کر ہمارے پاس آتے اور ہم کو نہیں معلوم کہ انہوں نے بسم اللہ ﷺ کہی تھی یا نہیں ذبح کے وقت۔ آپ ﷺ نے فرمایا تم بسم اللہ کہہ کے اس کو کھالو۔ کہا مالک نے یہ حدیث ابتدائے اسلام کی ہے ،۔
ذبیحہ پر بسم اللہ کہنے کا بیان
یحییٰ بن سعید سے روایت ہے کہ عبداللہ بن عیاش نے حکم کیا اپنے غلام کو ایک جانور ذبح کرنے کا جب وہ ذبح کرنے لگا تو عبداللہ نے کہا بسم اللہ کہہ، غلام نے کہا میں کہہ چکا، پھر عبداللہ نے کہا بسم اللہ کہہ خرابی ہو تیرے لئے، غلام نے کہا میں کہہ چکا عبداللہ نے کہا قسم ہے اللہ کی میں یہ گوشت کبھی نہیں کھاؤں گا۔
ذکاة ضروری کا بیان
عطاء بن یسار سے روایت ہے کہ ایک شخص انصاری اپنی اونٹنی چرا رہا تھا احد میں، یکایک وہ مرنے لگی تو اس نے ایک دھاری دار لکڑی سے ذبح کردیا پھر آپ ﷺ سے پوچھا آپ ﷺ نے فرمایا کچھ اندیشہ نہیں کھاؤ اس کا گوشت۔
ذکاة ضروری کا بیان
معاذ بن سعد سے روایت ہے کہ ایک لونڈی کعب بن مالک کی بکریاں چرا رہی تھی سلع میں، ایک بکری اس سے مرنے لگی تو اس نے پتھر سے ذبح کردی پھر آپ ﷺ سے پوچھا آپ ﷺ نے فرمایا کچھ حرج نہیں کھاؤ اس کو۔
ذکاة ضروری کا بیان
عبداللہ بن عباس سے سوال ہوا کہ عرب کے نصاری کا ذبیحہ درست ہے یا نہیں انہوں نے کہا درست ہے بعد اس کے پڑھا اس آیت کو ومن یتولہم منکم فانہ منہم۔ مالک کو پہنچا ہے کہ عبداللہ بن عباس کہتے تھے جو چیز کاٹ دے رگوں کو پس کھالے اس کو۔
ذکاة ضروری کا بیان
سعید بن مسیب کہتے تھے جس چیز سے ذبح کیا جائے جب وہ کاٹ دے کچھ حرج نہیں کھانے میں اس کے جب ضرورت ہو۔
ذبیحہ کا کھانا مکروہ ہے اس کا بیان
ابوہریرہ (رض) سوال کیا گیا کہ ایک بکری ذبح کرتے وقت تھوڑا سا ہلی ؟ ابوہریرہ (رض) نے اس کے کھانے کا حکم دیا، پھر ابومرہ نے زید بن ثابت (رض) سے پوچھا انہوں نے کہا مردہ بھی ہلتا ہے اور منع کیا اس کے کھانے سے۔
پیٹ کے بچہ کی ذکاة کا بیان
عبداللہ بن عمر کہتے تھے جب نحر کی جائے اونٹنی تو اس کے پیٹ کے بچے کی بھی زکاہ ہوجائے گی بشرطیکہ اس بچے کے تمام اعضا پورے ہوگئے ہوں اور بال بالکل نکل آئے ہوں اگر وہ بچہ پیٹ سے زندہ نکل آئے تو اس کا ذبح کرنا ضروری ہے تاکہ خون اس کے پیٹ سے نکل جائے۔
پیٹ کے بچہ کی ذکاة کا بیان
سعید بن مسیب کہتے تھے کہ زکاہ پیٹ کے بچہ کی اس کی ماں کی زکات سے ہوجائے گی جب وہ بچہ پورا ہوگیا ہو اور بال نکل آئے ہوں۔