969. حضرت سلمہ بن صخربیاضی (رض) کی حدیث

【1】

حضرت سلمہ بن صخربیاضی (رض) کی حدیث

حضرت سلمہ بن صخر بیاضی (رض) سے مروی ہے کہ میں عورتوں کو بہت چاہتا تھا اور میں کسی مرد کو نہیں جانتا جو عورتوں سے اتنی صحبت کرتا ہو جیسے میں کرتا تھا۔ خیر رمضان آیا تو میں نے اپنی بیوی سے ظہار کرلیا اخیر رمضان تک تاکہ رات کے وقت اس کے قریب نہ چلا جاؤں دن ہونے تک میں اسی طرح کرتا تھا اور اپنے اندر اتنی طاقت نہ پاتا تھا کہ اس سے مکمل جدا ہوجاؤں ایک رات میری بیوی میری خدمت کر رہی تہی کہ اس کی ران سے کپڑا اوپر ہوگیا میں اس سے صحبت کر بیٹھا جب صبح ہوئی تو نبی کریم ﷺ کی خدمت میں حاضر ہو کر سارا واقعہ بیان کردیا آپ ﷺ نے فرمایا تو ایک غلام آزاد کر میں نے کہا قسم اس کی جس نے آپ کو سچائی کے ساتھ بھیجا میں تو بس اپنے ہی نفس کا مالک ہوں آپ ﷺ نے فرمایا اچھا ! دو ماہ لگاتار روزے رکھ میں نے عرض کیا یا رسول اللہ ﷺ یہ جو بلا مجھ پر آئی یہ روزہ رکھنے ہی سے تو آئی آپ ﷺ نے فرمایا صدقہ دے اور ساٹھ مساکین کو کھانا کھلا۔