851. حضرت ابوبشیر انصاری (رض) کی حدیثیں

【1】

حضرت ابوبشیر انصاری (رض) کی حدیثیں

حضرت ابو بشیر (رض) سے مروی ہے کہ نبی کریم ﷺ نے بخار کے متعلق فرمایا کہ اسے پانی سے ٹھنڈا کیا کرو کیونکہ یہ جہنم کی تپش کا اثر ہوتا ہے۔

【2】

حضرت ابوبشیر انصاری (رض) کی حدیثیں

حضرت ابو بشیر (رض) سے مروی ہے کہ ایک مرتبہ وہ نبی کریم ﷺ کے ساتھ کسی سفر میں تھے تو نبی کریم ﷺ نے ایک قاصد کو یہ پیغام دے کر بھیجا کہ کسی اونٹ کی گردن میں تانت کا کوئی قلادہ یا کسی بھی قسم کا قلادہ نہ لٹکایا جائے بلکہ اسے کاٹ دیا جائے۔

【3】

حضرت ابوبشیر انصاری (رض) کی حدیثیں

حضرت عبداللہ بن زید (رض) اور ابو بشیر (رض) سے مروی ہے کہ ایک مرتبہ نبی کریم ﷺ انہیں نماز پڑھانے لگے تو ایک عورت وادی بطحاء میں سے گذری نبی کریم ﷺ نے اشارے سے اسے پیچھے رہنے کا حکم دیا، چناچہ وہ پیچھے چلی گئی اور جب نبی کریم ﷺ نماز سے فارغ ہوگئے تب وہاں سے گذری۔

【4】

حضرت ابوبشیر انصاری (رض) کی حدیثیں

سعید بن نافع (رح) کہتے ہیں کہ ایک مرتبہ میں طلوع آفتاب کے وقت چاشت کی نماز پڑھ رہا تھا تو مجھے حضرت ابو بشیر انصاری (رض) نے دیکھ لیا انہوں نے اس وقت نماز پڑھنے کو معیوب قرار دیتے ہوئے مجھے اس سے منع کیا اور فرمایا کہ نبی کریم ﷺ کا ارشاد ہے اس وقت تک نماز نہ پڑھا کرو جب تک سورج بلند نہ ہوجائے کیونکہ وہ شیطان کے دو سینگوں کے درمیان طلوع ہوتا ہے۔