770. حضرت قیس بن عاصم کی حدیثیں
【1】
حضرت قیس بن عاصم کی حدیثیں
حضرت قیس بن عاصم نے اپنے انتقال سے پہلے اپنی اولاد کو وصیت کرتے ہوئے فرمایا کہ اللہ سے ڈرتے رہنا اپنے میں سب سے بڑے کو سربراہ بنانا کیونکہ جب قوم اپنے بڑے کو سردار بناتی ہے تو وہ اپنے باپ کی جانشین ثابت ہوتی ہے۔۔۔۔ اور جب میں مرجاؤں تو مجھ پر نوحہ نہ کرنا کیونکہ نبی ﷺ پر بھی نوحہ نہیں کیا گیا تھا۔
【2】
حضرت قیس بن عاصم کی حدیثیں
حضرت قیس بن عاصم سے مروی ہے کہ انہوں نے نبی ﷺ سے معاہدے کے متعلق پوچھا تو نبی ﷺ نے فرمایا فتنہ انگیزی کے کسی معاہدے کی اسلام میں کوئی حیثیت نہیں البتہ زمانہ جاہلیت کے جو اچھے معاہدے ہیں انہیں پورا کرو۔
【3】
حضرت قیس بن عاصم کی حدیثیں
حضرت قیس بن عاصم سے مروی ہے کہ انہوں نے اسلام قبول کیا تو نبی ﷺ انہیں حکم دیا کہ وہ پانی اور بیری سے غسل کرکے آئیں۔