143. حضرت سوید بن مقرن کی حدیثیں۔

【1】

حضرت سوید بن مقرن کی حدیثیں۔

حضرت سوید بن مقرن کے حوالے سے مروی ہے کہ ایک آدمی نے آل سوید کی ایک باندی کو تھپڑ مارا حضرت سوید نے اس سے فرمایا کہ کیا تمہیں معلوم نہیں ہے کہ چہرے پر مارنا حرام ہے ہم لوگ سات بھائی تھے ہمارے پاس صرف ایک خادم تھا ہم میں سے کسی نے ایک مرتبہ اسے تھپڑ ماردیا تو نبی ﷺ نے ہمیں حکم دیا کہ اسے آزاد کردیں۔

【2】

حضرت سوید بن مقرن کی حدیثیں۔

حضرت سوید بن مقرن (رض) سے مروی ہے کہ ایک مرتبہ میں نبی ﷺ کے پاس ایک مٹکے میں نبیذ لے کر آیا اور اس کے متعلق حکم دریافت کیا، نبی ﷺ نے مجھے اس سے منع فرما دیا، چناچہ میں نے وہ مٹکا پکڑا اور توڑ ڈالا۔

【3】

حضرت سوید بن مقرن کی حدیثیں۔

حضرت سوید بن مقرن کے حوالے سے مروی ہے کہ ایک آدمی نے آل سوید کی ایک باندی کو تھپڑ مارا حضرت سوید نے اس سے فرمایا کہ کیا تمہیں معلوم نہیں ہے کہ چہرے پر مارنا حرام ہے ہم لوگ سات بھائی تھے ہمارے پاس صرف ایک خادم تھا ہم میں سے کسی نے ایک مرتبہ اسے تھپڑ ماردیا تو نبی ﷺ نے ہمیں حکم دیا کہ اسے آزاد کردیں۔ بھائیوں نے عرض کیا کہ ہمارے پاس تو اس کے علاوہ کوئی اور خادم نہیں ہے نبی ﷺ نے فرمایا پھر اس سے خدمت لیتے رہو اور جب اس سے بےنیاز ہوجائیں تو اس کا راستہ چھوڑ دیں۔