1020. حضرت کعب بن مالک کی اہلیہ کی حدیثیں
حضرت کعب بن مالک کی اہلیہ کی حدیثیں
معبد بن کعب اپنی والدہ سے " جنہوں نے دو قبلوں کی طرف رخ کر کے نبی کریم ﷺ کے ساتھ نماز پڑھ رکھی تھی " نقل کرتے ہیں کہ میں نے نبی کریم ﷺ کو کھجور اور کشمش ملا کر نبیذ بنانے سے منع کرتے ہوئے سنا ہے اور نبی کریم ﷺ نے فرمایا کہ ان میں سے ہر ایک کی الگ الگ نبیذ بنایا کرو۔
حضرت کعب بن مالک کی اہلیہ کی حدیثیں
عبداللہ بن کعب اپنی والدہ سے نقل کرتے ہیں کہ نبی کریم ﷺ کے مرض الوفات میں ام مبشر نبی کریم ﷺ کی خدمت میں حاضر ہوئیں اور عرض کیا میرے ماں باپ آپ پر قربان ہوں یا رسول اللہ ! ﷺ آپ اپنے حوالے سے کسے متہم قرار دیتے ہیں ؟ میں تو اسی کھانے کو متہم قرار دیتی ہوں جو خیبر میں آپ نے اور آپ کے ساتھ صحابہ (رض) نے تناول فرمایا تھا دراصل ان کا بیٹا نبی کریم ﷺ سے پہلے فوت ہوگیا تھا نبی کریم ﷺ نے فرمایا میں بھی اس کے علاوہ کسی اور چیز کو متہم قرار نہیں دیتا اس وقت ایسا محسوس ہو رہا ہے کہ میری رگیں کٹ رہی ہوں۔